Tug Neeg Kuv Nco

Nyob zoo tus neeg kuv hlub. Koj nyob li cas lawm xwb? Ntawm kuv tus kheej tsuas muaj nco koj ua hnub ua hmo tsis xyeej ib feeb li. Ua li koj puas nco txog kuv me me thiab? Txij li thaum koj ncaim kuv lawm kuv noj thiab haus tsis poob plab ho pw los tsaug tsis taus zog li. Pom koj tus duab nyob rau kuv lub zeem muag txhua lub sij hawm. Hnub no kuv cheem tsis tau kuv lub siab lawm thiaj li sau tsab ntawv no tuaj rau koj. Xav hnov koj lub suab luag, xav pom koj lub me ntsej muag zoo zoo nkauj cuag lub paj ntshua plaim nyuam qhuav tawg. Yog koj tsis xyeej sij hawm no thov hu nrog kuv sib txuas lus thiab mog. Txhob cia kuv nco nco koj tsam ho muaj niag dab niab ntxoog hnov kuv saub ces ho los deev tau kuv lawm os tus me neeg kuv nco.